Elgetako txirrindugune berria egiteko lanak amaitzeko bidean daude. Atletismo pista baten itxuran egiten ari dira txirrinduendako bideratutako gunea, eta aldapak eta saltoak egiteko prestatuta egongo da. Hasitako lan horiek amaitzeko segurtasun hesia jartzea eta betelana egitea falta dira. Lurra sartzeko lanak atzeratu egin direla jakinarazi dute Udaletik, eguraldia dela-eta lokatz ugari sortu baita.
Gazteendako eta zaharrendako egongo da bideratuta txirrindu gune berria, eta haurrek nagusien laguntzarekin erabili beharko dute. Gunera sartu ahal izateko, bestalde, ezinbestekoa izango da kaskoaren erabilera.