Elgeta 2020 egitasmoaren baitan egingo diren hiru lan bileretatik lehena eguenean, hilaren 4an egingo dute. Interesatuek 19:00etan dute hitzordua kultura etxean. Osasun publikoa, herriko garapen soziala, herri bizitza eta harremanak, herritarren parte hartzea, mugikortasuna , ibilgailuen zirkulazioa ... askotariko gaiak landuko dituzte.
Hiru lan talde
Parte hartzaileak hiru taldetan banatuko dituzte eta talde bakoitzean, ordu erdiz, bi gai landuko dituzte. Txandaka parte hartzaile guztiak hiru taldeetan hartuko dute parte. Herritarrei bilera horietan parte hartzeko eskatu diete udaletik. Joaterik ez dutenek ekarpenak idatziz ere egin ditzakete udal webgunearen bitartez edo herritarren postontziaren bitartez.