Elgetako kanporaketa saioa Espaloia Kafe Antzokian egingo dute, esan bezala bihar, 18:00etan hori ere. Han ere beste debagoiendar bat egongo da: Eñaut Uriarte bergararra da hura, eta taula gainean izango ditu aurrez aurre Egoitz Alkorta, Xabi Astigarraga, Nahikari Gabilondo, Manu Goioaga eta Alaia Martin.
Getarian, Jokin Labaien
Bihar beste hiru kanporaketa saio jokatuko dira, Ataunen, Errenterian eta Getarian. Getarian egingo den kanporaketa Iturzaeta herri eskolako antzokian izango da, bihar, arratsaldeko seietan hasita, eta bertan izango da lehian Jokin Labaien arrasatearra. Aurkari izango ditu Joxe Joakin Aizpurua, Oier Aizpurua, Bixente Gorostidi, Aitor Urbieta eta Andoni Otamendi.