Zakurrek ardiak erasotu dituzte Elgetan

Urritik hona, zakurren erasoak ugaritu egin dira Elgetan. Azken erasoa Beizu baserrian izan da. Zakurrek ez dute ardirik akabatu, baina, kolpe handiak jasan dituzte.

Hilaren 4ko eguraldi ona aprobetxatuz, Enrike Astola baserritarrak ardiak mendian zituen.Baina gauean zakurren erasoak izan zirela eta, laster itzuli ziren ardiak etxera. Izututa ia hiru kilometroko bidea egin zuen artaldeak.

Ez da lehenengo aldia horrelako erasoak gertatzen direla Elgeta inguruan. Artzainak kezkatuta daude. Oraingo honetan zakurrek ez dute ardirik akabatu, baina gertatu izan da.

Baserritarrek ez dute nora jo. Erasoek eragiten dituzten kalteak handiak dira eta ez ditu inork bere gain hartzen. Itxaropen bakarra zakurrak ikusi eta jabea aurkitzea da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.