Herriko jaien ostean, uztailaren 5etik 30era garatuko da udako kanpaina. Ordutegia izango da: 9:00etatik 13:00etara. Hala ere, Udalean adierazi dute umeei harrera pertsonalizatua egin eta bakoitzaren erritmoa errespetatzeko 9:00etatik 10:00etara egingo dutela harrera.
Izena eman gura duenak udaletxera jo beharko du. Ume bakarragatik ordaindu beharko da: lau aste, 90 euro; bi aste, 70 euro; eta, aste bakarra, 45 euro. Bi ume izanez gero, umeko: lau aste, 70 euro; bi aste, 60 euro; eta, aste bakarra, 35 euro. Azkenik, hiru ume edo gehiago izanez gero, umeko: lau aste, 60 euro; bi aste, 50 euro; eta, aste bakarra, 30 euro.
11 helburu
Helburuak dira: lagun artea, baloreak, jarrera aktiboa, integrazioa, euskara, kooperazioa, kontsumo eza, garapena, sozializazioa, ingurumena eta ohitura osasuntsuak.