Eskola Kirola zerbitzua, 3., 4., 5. eta 6. ikasturteko eskolarrei eskaintzen zaie. Zerbitzuaren ikasturteko prezioa 35 euro da. Ordutegia eta eguna oraindik zehazteke badago ere, astean ordubeteko saio bi egitea proposatzen dute Kirol Kontseilutik. Horretaz gain, zapatu goizetan txapelketak jokatuko dituzte Bergaran urritik maiatzera bitartean.
Kirol hastapena
Kirol hastapena helburu duen zerbitzua ere eskaintzen dute aurtengo ikasturtean, 6-8 urte bitarteko umeendako. Oinarrizko soin hezkuntzan jolasean oinarritutako metodologia lantzen dute. Izena emateko epea irailaren 28ra arte egongo da zabalik eta prezioa 35 euro da. Kasu honetan, umeek astean ordubeteko saioa egiten dute.Bilera urriaren 8an
Kirol Kontseiluko arduradunek urriaren 8an egingo dute bilera izena emandako haur eta gurasoekin. Kultura Etxean izango da. 19:00etan kirol hastapenekoekin eta 19:30ean Eskola Kirolakoekin.