Aurrerantzean zazpi beharrean bederatzi kide izango ditu erretiratuen elkarteko zuzendaritza batzordeak. "Zuzendaritzakook hilaren 31n elkartuko gara karguen banaketa egiteko", esan du azken lau urteotan presidente karguan izan den Zezilio Totorikaguenak. "Batzordean bi lagun gehiago egoteak ardurak gehiago banatzea ahalbidetuko du. Hori zen helburua". Aurten ere ez da presidente kargurako inor aurkeztu, eta azken orduko ezusterik ezean Zezilio Totorikaguena berrituko dute karguan datorren asteko batzarrean.
Irisgarritasun lanak, jaien ostean
Ozkarbin elkartean egitekoak diren irisgarritasun lanak ere aipatu zituzten urteko batzarrean. "Esan digute jai ostean hasiko dituztela lanak", esan du Totorikaguenak. "Pozik daude bazkideak".
Ordainketak, banku bidez
Erretiratuek, bestalde, ezingo dute aurrerantzean Ozkarbin ordainketarik dirutan egin. Eskatzen zaie kontu korronteko zenbakia erretiratuen elkarteko zuzendaritzako baten bati ematea edo bestela Ozkarbi elkarteko juntako ordezkariren bati.