Gonbidapenak banatuta daude, izan ere Xalbadorpe elkarteak 80 urtetik gorako 64 bazkide ditu eta guztiak daude hilaren 23an, eguena, Ozkarbi elkartean egingo duten bazkarira gonbidatuak. Ekimenak harrera ona izan du eta 40 bat lagunek konfirmatu dute parte-hartzea. Bazkaldu aurretik, 13:00etan, meza entzungo dute eta bazkalostean Kutxak emandako opariak banatuko dituzte parte-hartzaile guztien artean.
Santo domingon, primeran
Eguaztenean, berriz, erretiratu taldea Santo Domingo de la Calzada herrian izan zen egun pasa. Primeran ibili zirela esan digute. David Morena upategian egin zituzten hamarretakoa eta bazkaria. Santo Domingo eta Aro ere bisitatu zituzten.