Lurrak defenditzeko sortu zen Errege Katolikoen garaian Elgetako Nobleen San Sebastian Kofradia. Aurten martitzenarekin jausi da urtarrilaren 20a eta Elgetako eta Uberako 26 kofrade batu dira
urteroko ekitaldirako.
13:00etan Elgetako elizan elkartu dira hildako kofradeen omenezko meza entzuteko. Ostean, parrokiako
sakristian bildu dira urteko kontuak kitatzeko. Espaloia Kafe Antzokian egin dute gero bazkaria.
Sorrerako liburua, 1584koa
Elgetako kofradia noiz sortua den ez daki inork zehatz-mehatz. Udaletxeko txoko batean aurkitzen da sorrerako liburua, baina nahiko hondatuta dago eta ez da erraza bertan jasotzen direnak ulertzea. Liburua 1584. urtekoa da eta 1828. urtera arteko aktak jasotzen ditu.