Ur kontsumoa murrizteko 40 bat eko-erreduktore banatu dituzte eskolako umeek

Bi bat ordu egin dituzte Udaletxeko arkupean eta 40 bat eko-erreduktore edo difusore banatu dituzte. Abonatu zenbakiaren truke etxeko txorrotetan ipintzeko hiru eko-erreduktore edo difusore jaso dituzte herritarrek. Aurrerantzean udaletxean banatuko dituzte uztailaren 4ra arte.

Elgetako I. Aste Berdearen barruan eskolako umeek eko-erreduktoreak banatu dituzte goizean herritarren artean. Eskolako umeek bi ordu inguru egin dituzte udaletxeko arkupean eta 40 bat lagun hurbildu zaizkie eko-erreduktoreak jasotzera. Abonatu zenbakia ematearen truke kaxa bana jaso dute interesatuek. Kaxa horretan hiru eko-erreduktore daude: bi txorrotetan ipintzeko eta bat dutxan. Uraren kontsumoa murrizteko tresna horien bitartez airea gehitu egiten da eta ur-emaria gutxitu. Horri esker, uraren kontsumoa %50 gutxitzea lor dezakegu. Interesatuta egonez gero, jakin kaxa horiek uztailaren 4ra arte jaso ahal izango direla udaletxean.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.