Amaral de Sousa enpresako langileek Ferixa Nagusiko jaietarako amaitu behar dituzte udaletxeko berritze lanak. Krisi garaiotan obra publikoa sustatzeko Zapaterok emandako dirulaguntzekin berrituko dira udaletxeko teilatua eta fatxada.
Urdin koloreko hormak
Denon ahotan dabil, ordea, udaletxearen ‘look’ berria. Udal arduradunek kolore urdina aukeratu dute eraikinaren hormak margotzeko eta esan beharra dago herriko etxearen itxura dezente aldatu duela erabaki horrek. Herrian bolo-bolo dabilen kontua da udaletxearen itxura aldaketa.
Orain, aldamioak noiz kenduko dituzten zain egon beharko dugu udaletxearen ‘look’ berria trabarik gabe ikusi ahal izateko.