Udalak Salbador kaleko ur hornidura berritzeko lanak geratu ditu

Larraitz Zeberio Lekuona 2007ko eka. 22a, 13:01
Ur Partzuergoari dagokio Salbador kaleko ur hornidura berritzea. Udalari lan horiek lehenbailehen egin nahi dituela jakinarazi dio, Torrealdeko etxebizitza berrietan ur hornidura arazorik ez izateko. Lanok adjudikatuta dituen enpresak, baina, Udalari jakinarazi gabe eta lanen proiektua aurkeztu gabe ekin zion lanari ekainaren 19an.

Hori horrela, Udalak lanak geratzea erabaki du: "Ez dugu Ur Partzuergoak egingo dituen lanen proiektua jaso eta ez diegu egingo diren lanei oniritzirik eman", esan du Oxel Erostarbe alkateak. Astelehenean egingo dute batzarra Udalak eta Ur Partzuergoko arduradunek. "Gura genuke kalea behin bakarrik zulatu beharra edukitzea, bizilagunei ahalik eta enbarazu gutxien egiteko", adierazi du Erostarbek. "Ur Partzuergoak, dena den, lehenbailehen egin nahi ditu lanok".

Udaletik adierazi dutenez, ur hornidura berritzeko lanak ez dira, gutxienez, jaien ostera arte hasiko. Kale erditik behar den tamainako ur hodia sartu behar da eta etxe guztietako ur hornidurarekin lotura berria egin.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak