"Lokal hori ondo etorriko zaigu zerbitzuko langileak erabiltzeko eta horrela Artekaleko lokala biltegi moduan erabiltzeko. Frontoi zaharrean dagoen materiala gorde eta beste makineria batzuk uzteko", adierazi du Oxel Erostarbe alkateak.
30.000 euroko aurrekontua
BEZ barne, Udalak 30.000 euroko gastua aurreikusten du erosketa operazio horretan. Udal arkitektoak lokalaren balorazioa egin du eta gastuari aurre egiteko ez diru sailik ez finantziaziorik ez dagoenez, udal arduradunak aztertzen dihardute inbertsioetan gastatu gabeko diru sailen bat horretarako erabiltzea. Helburua da operazioa kreditu aldaketa baten bidez finantzatzea. Zerbitzutako udal langileek eskertuko dute, ziurrenik, urteetako eskaerari erantzuna ematea.
Lekberrek porrota
Eguazteneko albistea da, Uruburun 60 etxebizitza egin dituen Lekber enpresa eraikitzaileak porrot egin duela; hau da ordainketa etendura deklaratu du.
Albisteak kezka piztu du etxebizitzen jabeen artean. Lanak amaituta daude, baina horrelakoetan beti sortzen dira erreklamazioak. Berez, epe bat dago aurreikusita dagokionari erantzukizunak eskatzeko.
Elgetako kaltetuek jakin gura dute Lekber enpresa eraikitzailearen ordainketa etendurak zertan eragingo dien, eta orain nork hartuko dituen zintzilik geratu diren ardura horiek guztiak bere gain.