Udalak 29.739 euroko dirulaguntza jasoko du

Hiru proiektu aurkeztu zituen Elgetako mendi batzordeak Mendi Nekazaritzan eta hirurak diruz laguntzea onartu du erakunde horrek. Hiru proiektu horiek 45.753 euroko aurrekontua dute eta Mendi Nekazaritzak kopuru horren %65a hartuko du bere gain.

Aurrekontu handiena Azurtzako baserrietara ur hornidura eramatea helburu duen proiektuak dauka, 22.802 euro hain zuzen ere. Arraoz baserrira doan bidean, berriz, segurtasun hesiak ipiniko dituzte. Arrisku handia du bideak. Proiektuak 14.130 euroko aurrekontua du.

Mendi Nekazaritzak aurten Elgetan diruz lagunduko duen hirugarren proiektuak 8.821 euroko aurrekontua dauka. Egoetxeaga auzoko baserrietarako bidean konponketa lanak egingo dira diru horrekin.

Mendi Nekazaritzak hiru proiektuen aurrekontuaren %65a hartuko du bere gain, 29.739 euro hain zuzen. Gainerako %35a Udalaren eta auzotarren artean finantzatuko da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.