Elgetako Udalak kirol zerbitzuen inguruko azterketa egin gura du, eta inkesta bat banatu du etxez etxe. Inkesta anonimoa da eta Udalak herritarrei eskatzen die galderak erantzuteko eta ekainaren 6a baino lehen inkesta orria udaletxeko sarreran jarritako kutxan sartzeko. "Inkestaren bitartez hainbat datu jaso eta aztertu nahi ditugu", adierazi du udal kirol teknikari Oskar Carrascalek. "Besteak beste, elgetarren kirola egiteko ohiturak eta kirol zerbitzuen eskaintzaren gainean herritarrek duten iritzia".
Zerbitzuen egokitasuna, kalitatea, instalazioen egoera... hainbat galderak osatzen dute inkesta eta Udaletik esan dute herritarren iradokizunak ere jaso nahi dituzte eskainitako zerbitzua hobetu zein otsatzeko.
Ekainaren 6ra arte
Ekainaren 6ra arte jasoko ditu inkestak Udalak. "Gura genuke ahalik eta herritar gehienen iritziak jasotzea", esan du Carrascalek. "Ekainean, jasotako informazioa aztertuko dugu eta ondorioak ateratzea espero dugu".
Galderetan hainbat balorazio eskatzen ditu Udalak; instalazioen egokitasun mailari buruzkoa, zerbitzuen kalitatea eta prezioari buruzkoa, monitoreen jarrerari buruzkoa... Elgetan zein beste kirol zerbitzu gustatuko litzaiguken ere galdetzen du.