San Dimas kartzelako presoak gizarteari egindako kalteak ordaindu eta birgizarteratze bidean dira, funtzionarioen begiradapean. Gizakiek duten erantzukizunaz ere jardungo dute Burgoseko Zanguango Teatro taldeko kideek: nola egoera sozial, ekonomiko, politiko eta abarrekoek zer nolako eragina duten... eta nola biktima eta borreroak izendatzen ditugun, besterik gabe. Antzerkia, zuzeneko musika, dantza, txotxongilo jolasak... nahasten dituzte "zapore oneko tragikomedia honetan".
Ideia originala Miguel Muñozena da eta aktore lanetan Jorge Arche Fernandez, Raul Camuno, Helena Fernandez Moreno, Miguel Garces eta Begoña Martin Treviñok jardungo dute.