The Commitments ikusteko sarrerak salgai daude

The Commitments talde dublindarraren kontzertua zapatuan, urriaren 18an, Elgetako Espaloia Kafe Antzokian izango da, 22:30ean. Taldeak Euskal Herrian emango duen kontzertu bakarra izango da gainera. Sarrerak salgai daude dagoeneko. Bertan erosiz gero, 18 euroko prezioa dute. Baina aurrez ere egin daiteke erreserba eta 15 euro balio dute. Erreserba Espaloira deituta egin daiteke: 943 78 90 85 telefonora, hain zuzen ere.



Soulari omenaldia

The Commitments taldeak, 60ko hamarkadako soulari omenaldia egiten dio. Musikari mitiko  eta esanguratsu askoren abestiak joko dituzte. Besteak beste,  Little Miltonen, Sam&Dave-en,  Aretha Franklin-en, Percy Sledgeren, Otis Redding-en, All Green edota James Brown handiaren abestiekin gozatzeko aukera paregabea izango da Elgetako antzokian zapatuan.

Taldekideak

The Commitments taldea Alan Parker zinegileak 1991n filmatutako lanaren ondorioz sortu zen. Taldekideen artean aldaketak izan dira urte hauetan. Hona hemen egun taldea osatzen dutenak: Dick Massey (bateria), Kenneth McCluskey (gitarra), Joe Walsh, Karen Coleman eta Claire Malone (ahotsak), Eric Okafo (baxua), Abraham Hampton (teklatua), Alex Mathius (saxoa) eta Conor Cantrell (tronpeta).

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.