Spinning ikastaroan izena emateko epea zabalik

Berriki iritsi dira Elgetara spinning saioak egiteko Udalak erositako 12 bizikleta. Ikastaroa martitzenean hasiko dute. Interesatuek zabalik dute izena emateko epea.

Spinning saioak egiteko 12 bizikleta eta gimnasiorako hiru makina iritsi berri dira Elgetara. Udalak 6.000 euroko inbertsioa egin du eta musikaz lagunduta pedalak astindu nahi dituztenak martitzenetik aurrera izango dute aukera.

Lehenengo bi asteak doan

Otsailaren 3an hasiz gero, spinning ikastaroko lehenengo bi asteak doan egiteko aukera izango dute interesatuek. Zerbitzua doan probatzeko aukera emango du beraz Udalak. Hileko kuota 25 eurokoa izango da aurrerantzean. Interesatuek udaletxean eman behar dute izena. Saioak martitzen eta eguenetan izango dira 19:30etik 20:15ean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.