ELA sindikatutik esan dutenez, dagoeneko aldi baterako 200 langile kaleratu dituzte, eta orain enpresak beste 100 kaleratzea planteatzen du. ELAtik adierazi dute eurak ez daudela prest negoziatzen jarraitzeko jendea kalera doan bitartean, eta sindikatuak suspentsio espedientea proposatzen duela.
Asmoa litzateke ahalik eta langile gehien sartzea suspentsio espediente horretan, langile bakoitzarengan eragin gutxiago izan dezan. Sidenorreko lantegi guztietarako batera ari dira erregulazio espedientea lantzen, eta beraz, momentuz ezin izan digute zehaztu Elgetan zenbati eragingo liokeen. Ela sindikatutik gaineratu dute, gaur egun akaso arazoak egon badaitezke ere, duela hiruzpalau hilabetera arte sekulako irabaziak izan dituela enpresak.