Aurten ere San Sebastian eguna ospatu dute herriko haurrek zein nagusiek. Eskolako umeak San Sebastian martxa jo dute danborrekin eta San Sebastian kofradiako kideek, berriz, nobleen egunari eutsi diote beste behin.
Aurten, gainera, umeak Sarriegiren doinuarekin eta danbor hotsez lagundu diete kofradiako kideei elizaraino. Behin hara iritsita, urteroko meza egin dute kofradeek; 26 aurten. Meza ostean, nobleen ereserkia abestu dute eta urteko batzarra egin dute. Bazkaria urtero herriko taberna ezberdin baten egitea erabaki zuten duela bi urte, eta aurten Ostatua jatetxean egin dute.