Salbador kaleko lorontziak iraulita

Salbador kaleko lorontzi berriak lurrean agertu ziren urtarrilaren 1ean eta lehenago Aralarren egoitza egon zen Jabier Errastiren lokaleko erakusleihoko kristala hautsi eta pertsiana ere hondatu egin dituzte Gabonetan.

Hori dela eta Udalak idatzi bat kaleratu du euren  harridura eta haserrea erakusteko.
"Mutikokeriok legearen babesik ez daukate eta neurriak hartzea bada dagokiona hartu egin beharko dira. Herritarrok ezin duguna aguantatu da inpunidade osoarekin edozer egitea libre dela pentsatzea. Elgetan zaila da gauza hauek isilean egitea, eta inork ez ikusteko modurik onena ez egitea dela gogoratu nahi diegu herritar guztiei", dio Oxel Erostarbe alkateak idatzian.


Lorontziak jadanik ipini dituzte dagokien lekuan, Salvador kalean eta berriz horrelakorik ez gertatzea espero dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.