Salbador eguna ospatu dute elgetarrek

Giro ederrean ospatu dute Salbador eguna Elgetan. Egun osoko egitaraua prestatu dute auzotarrek. Lehenengo salda beroa izan dute, eta ondoren meza Salbador ermitan. Meza ostean txorizo eta tortilla pintxoak dastatzeko aukera izan dute gerturatutakoek. Egunari amaiera emateko auzo afaria egingo dute Salbador kalean bertan. Ondoren, Jainaga eta Narbaiza trikitilariek gaua girotuko dute. Nahi duenak dantza egiteko aukera paregabea izango du.