Laster udazkenean sartuko garela eta, azken urteotako ohiturari jarraituz, sagardo egunak jende ugari erakarriko du Elgetako plaza eta kaleetara. Esan bezala, arratsaldean ipiniko dituzte sagardo kupelak herriko puntu desberdinetan. Sagardotegi askotatik ekarriko dituzte kupelak herrira eta sagardo dastatzea erakargarria izango da, benetan. Hori guztia tabernarien ezinbesteko laguntzarekin.
Arratsalderako ere ekintza ugari antolatu ditu Gazte Asanbladak. Esaterako, 18:00etan izango da patata tortilla lehiaketa herriko plazan. 20:00ak inguruan izango da tortilla lehiaketako sari banaketa. Joan den urtetan ez bezala, aurtengoan afariaren ordez txitxi-burruntzia egingo dute.
Txitxi-burruntziaren ostean, dantzarako eta ongi pasatzeko aukerarik ere ez da faltako gaztetxean. Izan ere, musika kontzertuak antolatu ditu Gazte Asanbladak gauerako. Hain zuzen ere, herriko Gazte Asanbladak herritarrak gonbidatu nahi ditu parte hartzera.