Arabar Errioxan, Moreda herrian, aurkitzen da Fernandez de Piérola ardo upategia. Eguenean, hilak 18, sendagile baten ponentzia eta ardo-dastatzea eskainiko ditu Espaloia kafe antzokian.
Luis Bujanda Fernandez de Piérola Donostia Ospitaleko medikua da, eta upategiko arduradun Carlosen anaia. Ardo kontsumoa eta osasuna lotuko ditu bere ponentzian.
Ardo-dastatzea
Hitzaldiaren ostean, ardo-dastatzea egingo dute. Upategiko ardoak emango dituzte dastatzera. "Primiziak ere eramango ditugu", aurreratu du Carlos Bujanda Fernandez de Piérolak. "Tartean, Cyatho Verdejo zuria (Rueda), barrikan ondutako 2009ko Fdez. de Pierola zuria, 2004ko gura erreserba beltza edo 2005eko Virium erreserba berezia". 19:30ean egin dute hitzordua.