Martitzenean egindako osoko bilkuran eman zuen albistearen berri Oxel Erostarbe alkateak. "Kalkulatzen dugu eraikinaren berritze lanen aurrekontua milioi bat euroren bueltan ibiliko dela. Herritik kanpoko erakundeen babesa ezinbestekoa dugu Elgetan garrantzi horretako proiektuak aurrera eramateko. Ate joka jarraitu beharko dugu babes gehiagoren bila".
Proiektua aurten
Eusko Jaurlaritzarena ez da proiektu horrek jaso duen dirulaguntza bakarra.Gipuzkoako Foru Aldundiak 30.996 euro agindu ditu proiektua idazteko. Udal gobernuak nahiko luke proiektua urtea amaitu aurretik idatzita egotea. Eraikina jabetza, bestalde, gotzaindegiarena da. Negoziazioei buruz galdetuta "aurrera doaz", adierazi du Oxel Erostarbe alkateak.