Gaur egun, asko dira euren burua ezagutzera emateko edozer gauza egiteko prest daudenak. Eta hedabideek ondo baino hobeto aprobetxatzen dute osperako jendeak duen grina hori. Premisa horien bien bueltan eraikita dago Elgetan ikusgai egon den Desnudos en Central Park antzezlana.
Amua, aktore ezagunak
Manuel Galianak hartzen du antzezlanean pisu handiena. Gerry pertsonaia antzezten du, idazlea. Loli emaztea, berriz, Emma Ozoresek antzezten du. Aktore ezagunak dira, ospe handikoak eta zalantza barik izen oso erakargarriak antzezlana ikustera joateko. Lan bikaina egiten dute. Obra elkarrizketaz beterik dago, eta aktoreei nabari zaie testua ondo ezagutzen dutela. Elkarrizketa horiek, baina, amaigabeak egiten dira, gehienbat lehenengo ekitaldietan. Komedia da Desnudos en Central Park eta baditu barre egiteko zenbait ateraldi, baina bigarren irakurketa bat ere egin daiteke zertxobait dramatikoagoa.
Kronika zabalagoa ASTELEHENEKO GOIENAKRIAN.