Udalak antolatutako perretxiko irteeran hogei bat laguneko taldeak hartu zuen parte. Zapatuan egin zuten txangoa eta Elgeta inguruko basoetan ibili ziren. Aurkitutako perretxiko danak batu zituzten, onak eta txarrak. Sailkatze lana plazan egin zuten, behin txangoa amaitutakoan.
31 perretxiko mota
Egunean bertan jasotako perretxikoekin eta herriko lau lagunek aurreko egunetan batutakoekin erakusketa ipini zuten plazan. Jose Antonio Irazabal, Alexander Arantzabal, Alejandro Cristobal eta Pello Gorrotxategik lan handia egin zuten. Perretxiko onak eta txarrak jarri zituzten ikusgai. Tartean, baten bat hilagarria. Herritar ugari hurbildu zen.