"Pena handiarekin noa", adierazi digu azken 17 urteotan Elgetako praktikantea izan den Nestor Maidaganek. "Oso gustura ibili naiz urte hauetan guztietan Elgetan eta jendearekin harreman ona daukat". Abenduaren 11tik aurrera Eskualde Ospitalean arituko da lanean eta Maite Odriozola oñatiarrak ordezkatuko du Elgetako anbulatorioan. "Gogoan ditut hasierako urteak kontsulta zabaldu zenekoa naiz ni-eta! Bi bat ordu egiten genituen orduan".
Eskualde ospitalera
Nestor Maidaganek ez daki oraindik ziur bere lanpostu berria zein izango den, baina kirofanoan ikusten du bere burua. "Ez nuke bertan elgetarrik ikusi nahiko", esan digu irribartsu.