Meza eta soka dantza izan dituzte, besteak beste, Santixau egunarekin Goimendi auzoan

Giro ederra zegoen Azurtza inguruko pagopean. Goizeko 11:00etan meza entzun dute ermitan eta ondotik soka dantza egin dute.

Batzuk oinez eta beste batzuk autoz joanda, jendetxoa batu da Goimendi auzoan Santixau egunean. Izer eta Lutxurdixo trikitilariek girotu dute erromeria eguerdi partean. Bertsotan, berriz, Agirre eta Peñagarikano aritu dira. Goizeko 11:00etan meza entzun dute auzoko ermitan eta jarraian soka dantza egin dute atarian. Umeendako jolasak ere egin dituzte.

        Goxokiz eta opariz beteriko lurrezko botijoak apurtu dituzte umeek. Lasterketa ere egin dute. Arratsalderako herri kirolak, bertsolariak, boleta txapelketa eta erromeria dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.