Finalerdia berehala jarri zitzaion kontra antzuolarrari. Hasi orduko 10-1 aurreratu zen Yoldi. Mendizabal astunegi ibili zen ezkerreko jokoarekin. Markagailuan tartea zabaldu ondoren, Yoldik lasaiago jokatu zuen, eta abantaila mantentzeko gai izan zen. Hain zuzen ere, 15-4 eta 20-10 aurreratu zen. Baina, Mendizabalek ez zuen amore eman eta zazpi tanto jarraian egin zituen (20-17). Bazirudien emaitzari buelta emateko gai izango zela antzuolarra, baina une erabakigarrian Yoldik hobeto errematatu zuen
Antzuolarrak Eneko Yoldiren kontra galdu zuen 22-17 atzo gaueko finalerdia. 23 urtez azpikoen beste finalerdia Larrañagak irabazi zuen Gorkaren kontra (22-13). Bestalde, Elezkano II.ak eta Irribarruak jokatuko dute kadete mailako finala. Hurrenez hurren, Olano eta Labaka menderatu zituzten. Finalak hilaren 3an jokatuko dituzte Elgetako pilotalekuan 22:00etan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak