Omenaldian, gogoratuko dira 150.000 euskaldun erbesteratuak, 6.000 fusilatuak, frontean hil ziren 7.000 gudariak eta 45.000 atxilotuak.
Joseba Agirrek
Aurkezpenean Joseba Agirrek, Jose Antonio Agirre lehendakariaren semeak adierazi du: " Urriaren 4an geratu zen faxisten erasoa, hemen Elgetan, 1936an. Justu garai horretan egin zen, urriaren 1ean, Euskal Estatutua Madrilen. Gernikan sortu zen lehenengo gobernua eta Elgetako Estatutua moduan ezagutu zen estatutu hori. Arrazoia, lehen Eusko Jaurlaritzaren sorkuntza eta Intxortako fronteari eginiko erasoak aldi berean gertatzea."
Koldo Azkoitia
Koldo Azkoitia, Lurralde Antolamendu eta Sustapenerako Foru Diputatuak ere Aldundiaren babesa erakutsi gura izan du egingo diren ekintzekiko. Eskultura adierazgarri honen inguruko lanekin finantzazioa bere kontu izango da. Zoriondu egin zituen Azkoitiak iniziatiba izan duten guztiak eta oroitu zen, bereziki, bizia eman zutenekin.
Eskultura: "Intxortako atea"
Juan Jose Arangurenek egindako eskultura Euzko gudarostea defentsa lerroa zegoen gunean kokatuko da, Elgetatik Kanpazarrera doan errepidean. 7 metro inguruko altuera izango du eta 144 metro kuadro urbanizatuko dira.