Irailaren 1ean itzuli ziren irakasleak lanera, eta datorren astean, martitzenean, bueltatuko dira Elgetako umeak ikasgeletara. Goizeko ordutegia izango dute lehenengo astean: 09:00etatik 12:30era Haur Hezkuntzako 41 umeek eta 09:00etatik 13:00etara Lehenengo Hezkuntzako 44 umeek. Jangela zerbitzua ikasturte hasieratik eskainiko dute; hortaz, eskolan bazkaltzen dutenak 14:00etan irtengo dira.
Haurreskola ere martxan
Haurreskola zerbitzua ere datorren astean zabalduko dute: astelehenean. hain zuzen ere. Hasiera baten, 0-2 urte bitarteko zortzi erabiltzaile izango ditu zerbitzuak.