Mago azeri horiek berriz ere sartu digute ziria eta oraingoan jendetzaren aurrean, kamerek grabatua eta, gainera, ikusle guztiak irribarrea aurpegian utzita. Trikimailua zein den ezin asmatzea baino amorru gehien ematen duena da gure arretarekin nahi dutena egiten dutela. Ziria sartu digute, ziri erraldoia, ageri agerian eta umore handiz. Espaloia bete egin zen; jendeak gustuko du magia. Bete eta, gainera, jendeak goiz hartu zituen jesarlekuak, gertutik ikusi beharreko ikuskizuna izan zen-eta. Adin guztietako magia zaleak, aretoa betetzen. Baina inork lortu zuen ezer asmatzerik?
Aurreko edizioetako ikusgarritasunik ez zuen izan galak. Bai ordea lilura, ikusleen hortzez beteriko ahoetan ezin hobeto islatzen zen txundidura hori bera.
Kartomagia eta prestidigitazioa saioak izan ziren, magiaren bi kategoria, kirol olinpikoen zerrendara gehitu beharko lituzketenak gainera, begirik azkarrenak ere engainatzeko duten abiadura gizakiz gaindikoa kontuan hartuta. Berriz ere: zur eta lur.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
