Makinak ikusi ditugu berriki Salbador ermitarako bide inguruan lurrak mugitzen. Lurra kendu dute leku horretatik, izan ere saihesbidera erortzeko arriskua ikusi zuten Udaletik.
"Pasioan zebilen herritar bat konturatu zen zulo handiak zeudela horma horretan eta berak eman zuen abisua", adierazi dio GOIENAri udaletxeko aparejadore Alberto Olaldek. "Horma hori ez da naturala, saihesbidea egiterakoan betelana egin zen hor eta zuloak agertu dira orain".
Elgetako Udala Gipuzkoako Foru Aldundiarekin jarri zen harremanetan eta saihesbideko teknikariak bidali zituzten. Teknikariek lurra saihesbide gainera erortzeko arriskua zegoela baieztatu zuten eta lanak egin behar zirela adierazi zuten.
1.000 euroko aurrekontua
Elgetako Udalak bideratu ditu egokitze lanok, baina Foru Aldundiak ordainduko ditu gastuak. Teknikoek onespena eman diete dagoeneko egindako lanei.