Irteera didaktikoa egin du Pili Arinek. Salbador ermitaren ingurura eraman ditu loreak batzeko irteeran parte hartzera agertu diren 30 bat elgetarrak. "Koadroak egiteko lore bila etorri gara, baina bide batez gure inguruan ditugun landareak ezagutzera", adierazi du Pili Arinek.
Parte hartzaileei sendabelarrak, landare arriskutsuak, sikatzeko aproposak diren landareak, kolorea galtzen dutenak... gauza asko erakutsi dizkie.
Udazkenean ikastaroa
Udalak antolatu du loreak batzeko irteera. Lehenengo aldia izan da. Udazkenean egingo den eskulan ikastaroa ere berria izango da. "Batutako loreak sikatzen utziko ditugu orain", azaldu du Arinek. "Prozesu bat da eta udazkenean ikusiko dugu prozesu horrek zer eman duen. Landare sikuekin koadro konposizioak egingo ditugu udazkenean".