Palanka batekin atea bortxaten saiatu ziren, baina atearen aluminiozko estrukturak eman egin zuen eta kristala oso osorik jausi zen lurrera. Bestelako kalterik egin gabe sartu ziren lapurrak dendara. Aurretik, alarma, telefonoa eta argindarra moztuak zituzten. Ertzaintzak dio lapur profesionalen lana izan dela.
"Ez ginen etxean", azaldu dio GOIENAri Elgetako Piel dendako arduradunak. "Madrilen ginen larruzko jantzien ferixa batean arropa erosten". Nahigabea handia da. "Ez dakigu oraindik zenbat diru eraman duten larrutan, baina asko ehun bat beroki eraman dituzte-eta".
Arrastorik utzi gabe
Elgetan ez zen alarma hotsik entzun, baina telefonogunean jaso zuten abisua. Eztzainak etorri zirenerako, ordea, dena eginda zegoen. Aurreko astean, Bergarako supermerkatu batean antzeko saiakera bat izan zela jakin dugu.