Amillagako biribilgunean egiten ari diren lanak tarteko, zirkulazioa desbideratu egin dute gaur hasita. Aurrerantzean, Bergaratik Elgetara sartzeko dagoeneko eginda dagoen biribilgunearen zatitik biratu beharko da. Elgetatik Bergarara doan zirkulazioa, berriz, Deba ibaia gurutzatu aurretik dago desbideratua.
Aitziturri eta Amillaga-iparraldea poligonoetan sartu edo irteteko ere kontuz, aldaketak daude-eta.
Amillagako bidegurutzea, Bergara map
Desbideratzeok, hilabetez
Aldaketa horien eragina ahalik eta laburrena izan dadin, lanak azkartzea du helburu bideazpiegituretako sailak. Kalkulatzen dute hilabete iraungo dutela zirkulazio aldaketok. Biribilgunea, berriz, urte amaierarako amaituta egotea aurreikusten dute. Helburua da puntu horretan bide segurtasuna handitzea, eta trafikoa arintzea.