6 hilabetetako kartzela zigorra eta 25.000 euro inguruko kalte ordaina. Horixe da Donostiako epaitegi batek alkoholaren eraginpean zihoan, eta errepideko langile bat harrapatu zuen gidariari ezarritako zigorra.
Sententziak dioenaren arabera, istripua 2005ean gertatu zen, Elgetan. Gipuzkoa 2639 errepidean gertatu zen ezbeharra. Sententziak dio Opel markako auto bat zeraman gidariak eta ez zituela langileek errepidean ezarritako seinaleak errespetatu.
Epaiketan fiskaltza eta akusatua akordio batera iritsi ziren eta azken honek fiskaltzak ezarritako zigorra onartu du. Auto gidariak sei hilabeteko kartzela zigorra bete beharko du eta ezin izango du gidatu bi urtez, trafiko segurtasunaren kontrako delitua egiteagatik.
Auto gidariak, gainera, 25.350 euro ordaindu beharko dizkio kaltetuari. Aseguru etxeak 30.000 euro ordaindu zizkion azken honi istripua gertatu zenean eta akusatuak, orain, 13.600 euro ordaindu beharko dizkio biktimaren aseguru etxeari.