Eguenean, hilaren 25ean eratu zuten Donostian Eusko Ikaskuntzaren zientzia, arte eta letren akademia, Jakiunde akademia. Alor horietan egindako lanagatik nabarmendutako 26 adituk osatzen dute akademia, tartean Jon Markaide astronomo elgetarrak.
Jakiunde akademiako kideak urtean hiru aldiz elkartuko dira. Euskal letrek, zientziek eta arteek hartu beharko luketen bidea izango dute hausnarketa gaia.