Jabier Madrazo sailburua Elgetan izan da. Eusko Jaurlaritzak 383. 180 euroko dirulaguntza bideratuko du Elgetara. Hiru proiektu diruz lagunduko ditu. Artekalen egindako ur-hornidura sarearen berritze lanetarako eta Torrezahar urbanizatzeko proiektua idazteko emango ditu laguntzok. Zatirik handiena, 368.885 euro, Salbador kalea urbanizazio lanak egiteko erabiliko dira. "Salbador kalea oinezkoendako jarriko dugu", esan du Madrazok. Tratamendu mistoa emango diogu, oinezkoendako eta autoendako ipiniko dugu. Hiri azpiegiturak ere berrituko ditugu. Ur-hornidura, estolderia, energia elektrikoa, argi publikoak, gasa, telefonia eta telekomunikazioak..."
Lanak hilaren 14ean
Urbanizazio lanak lehenbailehen egitea ezinbestekoa da. Aspaldiko egitasmoen artean aurkitzen da Salbador kalea oinezkoendako jartzea. Datorren astean hasiko diren lanotan hiri-azpiegiturak berrituko dituzte, kalea oinezkoendako jarriko dute eta egoteko gune-eremu berriak egingo dituzte. "Aspaldiko eskaera da Salbador kalea egokitzea. Lanak hilaren 14an hasiko dituzte eta badakigu honek eragozpenak sortuko dituela. Baina, emaitzak pena merezi duela uste dugu", adierazi du Oxel Erostarbe alkateak. "Ea lortzen dugun etxebizitza babestuetara bizitzera joatekoak direnei epea aurreratzea". Lanak esleituta daude, Amaral enpresak egingo ditu hilaren 14an hasi eta sei hilabeteko epean.