Urriaren 5ean hasiko dira aurten psikomotrizitate eskolak. Itsaso Leanizek gidatuko ditu, eta aurretik bilera egin gura du interesa duten gurasoekin. Eguaztenean, hilak 30, elkartuko da eurekin 18:30ean. "Azalduko diet proposatutako dinamika zein den", adierazi digu.
Psikomotrizitatearen praktikak umearen osotasuna hartzen duela kontuan esan digu, eta autonomia, sormena, errespetua eta inteligentzia lantzen dituela. "Ume bakoitzaren garatze prozesua, beharrak eta desioak hartuko ditugu kontuan", adierazi du. Beti ere marko eta dinamika baten barruan saioak ez direla gidatuak izango ere aurreratu digu. "Saio bakoitzak hasiera bat eta bukaera bat izango ditu, baina helburuak lortzeko jarraipenak badu bere garrantzia. Ume bakoitzak bere erritmoan aukeratu eta egingo ditu ekintzak. Ni laguntzaile bat izango naiz sormen prozesu horretan".
Astean saio bakarra egingo dute, astelehenetan. Ordutegia eguazteneko bileran finkatuko dute.