1, 2, 3 esan berriro... lehiaketa ospetsua abiapuntu hartu eta hamaika dantza saio egin zituzten Herri eskolako umeek barikuan. Urtero legez, gurasoek eta senitartekoek bete egin zuten aretoa jaialdia ikusteko. Ordubete pasatxoko ekitaldia izan zen non erritmo dantzagarriko abestiak dantzatu eta kantatu zituzten umeek. Landutako saioa izen zen, zalantza barik.
Seigarren mailakoen agurra
Herriko umeen artean makina artista dagoela argi geratu zen barikuan. Saio borobila egin zuten baina, akaso, hunkigarriena seigarren mailako ikasleen agurra izan zen. Aurrerantzean, Elgetatik kanpo egingo dituzte ikasketak. Euren agurra polita izan zen, baita luzaroan gela berean ikaskide izan dituzten 5. mailakoek eskainitako omenalditxoa ere.