Herritarren ekarpenak jaso nahi ditu orain Udalak 'Elgeta danon artian' ekimenarekin

Hitzaldi irekiak, foroak, batzar informatiboak... herritarren parte-hartzea eskatu du Udalak. Gainera, Patxi Montero kontratatu dute 'Elgeta danon artian' programan dinamizatzaile lanak egin ditzan.

Bigarren fasean sartu da Elgeta danon artian'egitasmoa. Orain, herritarren ekarpenak jaso, eta eztabaida foroak zabaltzeko unea da. Dinamizatzaile lan hori Patxi Monterok egingo du sei hilabetez.

Sei gai nagusi

Ekimenaren bigarren fase honetan sei gai landuko dituzte; autoen erabilera herrian, Elgeta 2.020 plana, erdigunerako errehabilitazio plan berria, kirol azpiegiturak, herriko merkataritza eta herriko baserritarrak.
     Foroetan parte hartu nahi izanez zabalik dago izenemate epea azaroaren 6ra bitartean. Eguaztenean, azaroak 4, Oinezkoek lehentasuna duten kaleetarako ibilgailuen arautegia izenburupean hitzaldi irekia egingo dute. 19:00etanhasiko da, udaletxe areto nagusian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.