Urtezahar egunean ez zen txantxarik egon udal pilotalekuko kantxan. Herri mailako pilota txapelketako bi finalak jokatu ziren 12:00etan hasita eta ikusmina zegoen harmailak bete egin ziren-eta.
Gazteen finala jokatu zen lehenengo. Aurreko urteko bikote irabazlea zen faboritoa eta David Peñalverrek eta Txomin de Vegak ez zuten huts egin. Jon Irazabalek eta Mikel Ormaetxeak lan ona egin zuten finaleko lehian, baina ez zen nahikoa izan.
Nagusietan, estuago
Txapela garestiago egon zen 40 urtetik gorakoen finalean. Hemen, partidu estuagoa eta tanto borrokatuagoak ikusten aukera egon zen. Anjel Ibarluzea eta Alberto Telleria faboritoak jarri ziren hasieran aurretik, baina berdintzea lortu eta norgehiagoka irabazi zieten Alex Arantzabalek eta Koldo Goenagak.