Espainiako auzitegi konstituzionalak herri galdeketa debekatu ostean EAJk, EAk, EBk eta Aralarrek aurkeztutako adierazpena sinatzeko aukera izango dute herritarrek. Bakea eta normalizazio politikoa lortzeko galdeketa beharrezkoa dela jasotzen du agiriak. "Sinatzeko gonbita egiten diegu iritzi eskubidea urratu zaiela uste duten herritarrei", esan dute bultzatzaileek.