Ferixa Eguneko jaietan ere eraso bat baino gehiago gertatu dira. "Sei zakarrontzi erre dituzte, frontoiko atea apurtu dute eta kaleak garbitzeko hartu den enpresaren makina erretzen saiatu dira", adierazi du Oxel Erostarbe alkateak. "Torrealdeko auzotarrek amatatu zuten sua makinaren zepiloetan".
Sarritan azkenaldian
Ez da horrelakoen aurrean Elgetako Udalak bere ardura plazaratzen duen lehenengo aldia. Maiatzaren 23an apurtuta aurkitu zituzten Maala parke inguruan dauden farola guztiak. Kolpeka apurtu zituzten izan ere kristal guztiak lurrean aurkitu zituzten. Kultura etxean ere eraso bat baino gehiago izan dira. Su-itzalgailuen hauts guztia eraikineko eskaileratan zabaldu dute gutxienez hirutan.