Guztira, 20 talde izango dira lehian
Danbakaren laugarren edizio honetan. Gaurkoaren ondoren, beste lau
kontzertu izango dira: azaroaren 5ean, 19an eta 26an eta abenduaren
17an. Hiru talde onenak sailkatuko dira urtarrilaren 14ko finalerako.
Epaimahaia aspaldiko lagunek osatuko dute: Jul Bolinagak, RIP
taldeko gitarra-jotzaile ohiak; Iñaki Bengoak, Gose taldeko kide eta
Shot! grabazio estudioko arduradunak; Amaia Arriaranek, Arrasate
Musikaleko Big Band taldeko abeslari ohiak; bere garaian Txibisto
musika aretoan jardundako Julen Narbaitzak; eta Iker Barandiaran
kazetari arrasatearrak.
Gaurko aurkezle lanak, berriz, Maider Arregi Goienako kazetariak egingo ditu.
Sarrerak, 5 eurotan, irratian, doan
Kontzerturako
sarrerak 5 eurotan eskuratu ahal izango dira (3 euro
Gaztekutxarekin). Kontzertu guztiak –finala barne– ikusteko
bonuak 22 eurotan jarriko dituzte salgai (12 eurotan
Gaztekutxarekin).
Horrez gainera, sarrerak doan eskuratzeko aukera ere izango da, gaur bertan sarrerak zozketatuko dituztelako Arrasate Irratian, 11:45ean (irratia@goiena.com).