Haur hezkuntzako umeek gonbidatuta guraso ugari hurbildu dira asteon eskolan egin dituzten jolasak ikustera. Puzzleak, bolo jokoak, dominoak, bikotearen bila eta hiru lerroan jokoak... erakutsi dute irudimenarekin eta zaborretara botatzen ditugun gaiekin jolas dibertigarriak egin daitezkeela.
Jolas erraldoiak
Tamaina handiko jolasak ere egin dituzte, tartean futbolinak arrakasta handia izan du. "Guztiak birziklatutako gaiekin egin ditugu", adierazi du irakasle batek. "Arrautza kartoiak, plastikozko esne botilak, tapoiak, hostoak, intxaur azalak..." Gurasoek ideia ugari eraman dituzte etxera.