Kiroldegikoak, gero
Teila zaharrak kendu, isolamendu termikoa ipini eta teila berriak jarriko dituzte, baina lanek ez dute udaletxeko funtzionamenduan eraginik izango eta ohiko sarbidea erabili ahal izango da.
Uztailerako, herriko jaietarako, udaletxeko teilatuko lanak amaitzea aurreikusi dute.
Lanok amaitutakoan kiroldegiko, hau da, Bolatoki tabernako eta sauna eta gimnasio aldeko teilatuen konponketak egingo dituzte, baina lehentasuna udaletxeko lanek dutela esan digu alkateak. Lan guztiek 186.015 euroko kostua izango dute.
Aparkalekuak
Bestalde, Udalak badu esku artean Domingo Iturben hamar aparkaleku berri egokitzeko asmoa. Baina oraingoz asmoa da. Izan ere, teilatuetako obrak amaitzen dituztenean eutsiko diete lan horiei.