Astelehenean, hilaren 1ean, hasi ziren azokarako bigarren eskuko kirol materiala biltzen udaletxean. Beste astebetez batuko dute Kultura Etxean ipiniko duten azokarako materiala.
Barikuan, hilak 12, 18:00etatik 20:30era egongo da azoka zabalik eta zapatuan, hilak 13, 11:00etatik 13:00etara eta 17:00etatik 19:00etara.
"Herritarrek erabiltzen ez duten eta saltzeko prest dauden kirol materiala badute etxean udaletxera eraman dezakete gaurtik hilaren 11ra bitartean", adierazi du Rebeka Ubera zinegotziak. "Izenarekin eta salmenta prezioarekin eraman behar da materiala guztia. Salmentako dirua saltzaileak jasoko du behin azoka amaitutakoan", gaineratu du.